LAOAG CITY – Maibilang ti Pilipinas kas hazard zone iti intero a lubong.
Daytoy ti inbatad ni Dr. Renato U. Solidum Jr., sekretaryo iti Department of Science and Technology (DOST).
Inlawlawag ni Solidum a maysa a makaigapu no apay a maibilang ti Pilipinas kas hazard zone iti intero a lubong ket gapu climate change.
Gapu iti daytoy, inbatad ni Solidum a kasapulan ti land use planning gapu ta adda dagiti gundaway nga adda dagiti mapapadur-as a pasdek a mangitunda ti panagbalin nga hazard ti pagilian.
Inbalakad pay ni Solidum a masapol nga agplano a nasayaat tapno maliklikan ti kastoy a problema.
Innayon na a masapol pay a kompleto ti equipments dagiti Local Government Units tapno maipababa ti impact na dagiti mapadur-as a building a mangitunda ti panagbalin nga hazard ti rehiyon.
Mainaig iti daytoy, kuna ni Solidum a dati ket number 9 laeng ti Pilipinas ngem ngimmato gapu ta bimmasit ti area a pagibasbasaran da ti hazard area.
