LAOAG CITY – Maud-udi manen ti Pilipinas iti edukasion dagiti agtutubo iti Southeast Asia, maibasar iti 2025 United Nations Children’s Fund – Southeast Asia Primary Learning Metrics (SEA-PLM).
Daytoy ket gapu ta 14 a porsiento laeng dagiti Grade 5 pupils ti nangato ti rating na iti panagbasa ken 26 a porsiento iti matematika, maikadua a kababaan iti rehion.
Iti baet ti panagpangato na manipud idi 2019, nababa latta daytoy no ikumpara iti sabali a pagilian kas ti Vietnam ken Malaysia.
Kumarkaro ti sitwasion gapu iti panagkurkurang dagiti klasrum, kalpasan a 22 laeng manipud iti target a 1,700 ti naipatakder ita a tawen.
Kagiddan daytoy ti pannakaibutaktak ti nakaro nga anomalia iti flood control project a mapatta-patta nga umabot iti P117 billion a nagresulta kadagiti ghost project.
