LAOAG CITY – Nakasaganan ti Pilipinas a makitinnulong iti International Criminal Court (ICC) iti imbestigasion ti war-on-drugs.
Segun ken ni Justice Secretary Jesus Crispin Remulla nga adda ti sumagmamano a paset a kabaelan a makipag makitinnulong Pilipinas iti maiwaywayat nga imbestigasion ti International Criminal Court.
Inbatadna a ti kooperasion ti Pilipinas iti international tribunals ket mapalubosan iti babaen ti linteg ti Pilipinas nangruna ket rummuar-sumrek iti International Criminal Court representatives ditoy pagilian.
Inlawlawagnan a sabali ti saritaan ti maminsan manen a panagsubli ti Pilipinas iti International Criminal Court a timmalaw daytoy idi panawen ni dati a Presidente Rodrigo Duterte.
Maipalagip a ti panagsango ni Duterte iti panagdengngeg ti kongreso seknan iti war on drugs ket kinaritna ti International Criminal Court a nasken nga iyalisto ti panangimbestigar no sadinno nga inrakurak met ni Presidente Ferdinand Marcos Jr. a saanna a lappedan ti International Criminal Court no sitatallugod met ni Duterte iti panangimbestigar kenkuana.