LAOAG CITY – Inpasigurado ti Philippine Amateur Baseball Association (PABA) a maaddaan ti napipigsa nga umaayam ti pagilian gapu ta napili daytoy nga agbalin nga host ti 14th East Asia Baseball Cup.
Maiyuswat ti nasao a torneo manipud inton Oktubre 29 agingga Nobiembre 4 idiay Clark, Pampanga.
Segun ken ni Philippine Amateur Baseball Association (PABA) President Chito Loyzaga, maysa a naisangsangayan para iti pagilian nga ag-host ti event gapu ta nagbalin nga host daytoy ket idi 1995 wenno agarup 30 a tawen ti napalabasen.
Naammoan a dagiti sumagmamano a manamnama a makabinnalubalda ket ti Thailand, Indonesia, Singapore, Malaysia, Cambodia, Hong Kong, India, Sri Lanka, Pakistan, Iran ken Iraq.
Kabayatanna, ti dua a koponan nga addaan ti adu a panangabak ket makastrek iti Asian Championship.
