LAOAG CITY – Nagballaag ni Batangas 1st District Rep. Leandro Legarda Leviste a possible nga ad-adda pay a nakarkaro ti sangwen a debt crisis ti Pilipinas no ikumpara iti agdama nga oil crisis no saan nga agsardeng ti gobierno iti maipagarop a “wasteful spending” ken saan nga agkissay iti dadakkel a paggastusan.
Segun ken ni Leviste, umabot iti mapatta-patta a ₱300 bilyon ti mapukaw ti pagilian ita a tawen gapu iti panagngato ti presyo ti langis, ngem dakdakkel a problema ti maipagarop a dumakdakkel nga utang ti pagilian.
Kuna na a mabalin a lumabes iti ₱19 trilyon ti utang ti pagilian, katukad ti 65% ti Gross Domestic Product, ti kangatoan iti uneg ti 20 a tawen.
Innayon na nga umaboten iti 6% ti Gross Domestic Product ti deficit bayat a gimminad ti ekonomiya iti 4.4% idi 2025, ken nasurok a 20% ti buwis ti umili ket maikabkabil laeng iti interest ti utang.
Nagpila metten ni Leviste ti House Resolution No. 911 a a gagem na ti makainot ti saan a nababbaba iti ₱12.9 bilyon manipod iti panag-host ti 2026 ASEAN Summit.
Ginutigot na ti publiko a suportaran ti panawagan para iti panagkissaw kadagiti saan a kasapulan a paggastusan ti gobierno.
