LAOAG CITY – Naaramid a maipababa ti agingga iti P20 ti presio ti karne ti baboy iti merkado gapu iti pilot testing ti Pork Program.
Daytoy ket nababbaba ngem iti maximum suggested retail price (MSRP) a P380 iti kada kilo iti liempo ken P350 per kilo para iti pigue ken kasim.
Daytoy ket babaen ti Food Terminal Inc (FTI) a nag-pilot test ti Pork Program.
Inbatad ni Food Terminal Inc (FTI) President Joseph Lo, iti napalabas a 21 nga aldaw, sumurok dua a ribu a sibibiag a baboy ti ginatang ken nai-deliver daytoy iti slaughterhouses idiay Metro Manila.
Iti naisayangkat a panagbisita iti tiendaan ti FTI chief kadagiti tiendaan idiay Marikina City, naaramid nga agpresio dagiti aglaklako ti P360 iti kada kilo ken ti kasim ken pigue ket adda iti nagbaetan ti P330 ken P340 iti kada kilo.
Gapu iti daytoy, ginutigot ti Food Terminal Inc., (FTI) ti ad-adu pay nga agtagikua ti farm kadagiti baboy a makipaset iti pilot program tapno matiliw dagiti managgundaway iti grupo ti supply chain.
