LAOAG CITY – Inbatad ni Olympic gymnast Levi Jung-Ruivivar a kalpasan a naaddaan iti ‘severe allergic reaction’ ket nakasagana daytoyen a makisalip iti event-na iti 2024 Paris Olympics.
Iti online post ti Filipino Gymnast, inpalgak ni Ruivivar a nakapadas isuna iti severe allergic reaction.
Segun ken ni Ruivivar, saanna a masinunuo kasano na a naala ti severe allergic reaction-na gapu ta tallo nga oras a saan a nangan isuna sakbay a nariknana ti sintomas.
Kabayatanna, mangrugi ita nga aldaw ti artistic gymnastics qualifications kadagiti babbai no sadinno a ni Ruivivar, Finnegan ken Emma Malabuyo dagiti Filipino athletes a mangpadas a makagun-od iti Olympic gold medal.
