LAOAG CITY – Saan a nagbalin a napintas ti resulta ti pannakipaset ni Pinoy pole vaulter EJ Obiena iti torneo idiay Germany.
Daytoy ket kalpasan a nagleppas laeng iti maikadua iti maudi nga ISTAFF Indoor a naisayangkat idiay Dusseldorf, Germany.
Saan a kas kadagiti immuna a torneo a nakipasetanna kadagiti naglabas nga aldaw ket nakagun-od isuna ti silver ken gold medal idiay Metz, France.
Nakagun-od laeng ti World number 4 a 5.55 meters para iti maikapito a puesto nga adda ti pakabuklan a walo nga umaayam.
Ti nasao a kangato a nadanonna ket nababbaba pay iti 5.70 meters a nairekordna idiay Metz, France ken 5.65m met idiay Cottbus, France.
Inpasingkedna nga aramidenna ti amin tapno maisubli kenkuana ti world ranking a number 2.
