LAOAG CITY – Inlawlawag ni Atty. Bernie Constantino, dati a Presidente ti Integration Bar of the Philippines (IBP) – Ilocos Norte Chapter a ti crimes against humanity ket isu dagiti krimen a large scale basis wenno maaw-awagan ti systematic attack para kadagiti sibilyan.
Karaman ditoy ti panagpapatay, panagparparigat, panagrames, panagabuso ken dadduma pay a krimen a mangitunda ti pannakadangran ti sibilyan.
Mainaig iti daytoy, inbaga ni Constantino a no saan a makikooperar ti gobierno iti plano a panagimbestigar ti International Criminal Court (ICC) iti kampanya kontra iti illegal a droga ditoy Pilipinas ket narigat a maipursige.
Daytoy ket gapu ta ti ICC ket independent ken saan a miembro iti United Nations (UN) ken mabalin da laeng ti agimbestigar no ti maysa a pagilyan ket saan nga agpang-function ti judicial system na.
Innayon na a narigat pay a maipursige ti imbestigasyon gapu ta iti argumento ti gobierno ken dagiti kameng ti pulisya ket paspasingkedan da a lehitimo dagiti iyus-uswat da nga operasyon no sadinno nga adda dagiti matmatay a subject gapu ta lumaban dagitoy.
Malaksid iti daytoy, adda met dagiti otoridad a natay ken nasugsugatan kabayatan ti operasyon a mangipaneknek a dagiti subject ket lumaban kadakuada.
Kabayatanna, inpakaammo ni Constantino a no met bilang makunviktaran ti maireklamo iti ICC ket mabalin a ti maipataw a pannusa ket mabalud iti saan a nangatngato ngem 30 a tawen, tungpal biag a pannakaibalud, freeze assets ken dadduma pay, agdepende no kasanu ti kadagsen ti nagbalusan ti maseknan.
