LAOAG CITY – Nakasaganan dagiti playing venues ditoy probinsia para iti mapaspasangasangan a 2025 Palarong Pambansa.
Segun ken ni Mrs. Helen Rose Domingo, mangidadaulo ti Provincial Sports and Development Office, nalpasen ti technical meeting ti Palarong Pambansa Board ken ditoy a naurnos dagiti playing venues babaen iti panangbayabay dagiti technical directors.
Inpasingkedna a naplastar aminen a pagay-ayaman iti baet nga adda dagiti sumagmamano a pannakabalbaliw ti venues.
Naammoan a kas iti badminton a dati ket ditoy siudad ti Laoag ket naiyakar iti Piddig Sports Center; ti wushu ket maangay iti ili ti Vintar ken gapu ta saandan a mauray ti panaglukat ti dakkel a mall ditoy siudad ket inyakarda dagiti games iti dakkel a mall iti ili ti San Nicolas.
