LAOAG CITY – Naitaray iti ospital ti baro a Prime Minister ti Haiti a ni Garry Conille.
Basar iti opisina ni Conille, nakarikna ti panagkapsot ti Prime Minister kalpasan ti panagatendarna iti nagduduma nga aktibidad.
Awanen ti naipaay a naan-anay a detalye seknan iti pannaka-ospital ti nasao nga opisial.
Nupay kasta, naipasigurado nga adda iti natalged a kasasaad ni Conille.
Maipalagip a napili laeng ni Conille kas baro a Prime Minister idiay Haiti idi Mayo 28 ita a tawen kalpasan a bimmaba iti puesto ni dati a Prime Minister Ariel Henry idi Abril 25.
