LAOAG CITY – Ginutigot ni Cadet 1st Class Agsalda iti Philippine Military Academy (PMA) iti Baguio City dagiti agtutubo ditoy Ilocos Norte a mapan ageksamen intono Agosto 25 para iti PMA entrance examination iti Northwestern University.
Inbatad na a dagiti mayat a mapan mangala ti eksaminasyon ket mangitugot da ti birth certificate, a a pedaso a 2×2 picture, maysa a valid ID, dua a pedaso ti lapis a Mongol No. 2, ken card.
Segun met ken ni Cadet 1st Class Viado, dagiti mabalin a manggundaway iti eksaminasyon ket dagiti nagturpos ti Senior High School ken uray dagiti degree holder basta agtawen ti 17 agingga ti 22.
Inlawlawag met ni Cadet 1st Class Acob a ti eksaminasyon ket pakairaman ti tallo a subject, karaman ditoy ti Abstract listening, English ken Mathematics.
Addan ton dagiti taga-PMA iti nasao a pagadalan iti oras ti alas-siete ti bigat ken mabalin ti mapan to laengen intono kaaldawan ti eksaminasyon ngem masapol a bitbit aminen dagiti kasapulan a dokumento wenno papeles.
