LAOAG CITY – Naiget a naglikudan ni Presidente Ferdinand Marcos Jr. nga adda ti impluwensia ti Malacañang iti panagpili ti Senate President.
Daytoy ti sungbat ti presidente kalpasan nga inbatad ni Senator Rodante Marcoleta ti maipagarup a kakaisuna a lider nga awan ti pamendision ti Malacañang.
Nupay aminado daytoy nga imon-monitor ti Malacañang dagiti mapaspasamak iti Senado gapu ta importante daytoy a paset ti gobierno, inlawlawagna a saan a daytoy ti mangidutok no siasinno ti mangidaulo iti Senado.
Inpanagetget pay ti presidente a kas dati a senador, ammona a saan a mabalin a dutokan ti siasinnoman a sinador no sinno ti ibutosda kas Senate president.
