LAOAG CITY – Naipatungpal a dagus ditoy probinsya ti ad-adda pay a pannakaipaiget ti Anti-Illegal Gambling Operation.
Daytoy ti inbatad ni Provincial Director Police Col. Cesar Pasiwen.
Immunan nga inbilin ni Regional Director Police Brigadier General Joel Ordoña a masapol a mapaigetan pay ti isaysayangkat nga operasyon kontra iti illegal a droga.
Inbatad ni Ordoña a no mapaay ti maysa nga ili a mangipatungpal ti naig-iget a kampanya kontra iti illegal a roga ket mareliboan ti chief of police ti nasao nga ili.
Ti pannakarelibo dagiti maseknan a chief of police ket naipalaon iti memorandum nga inparuk-at a mismo ti higher office ti PNP.
Inpetteng ni Provincial Director Pasiwen a saan laeng a ti minatayan ti naiget a mabantayan no di ket amin a masakupan a lugar tapno masigurado nga awan dagiti illegal nga agsusugal.
