LAOAG CITY – Inbilin ni Philippine National Police (PNP) chief Gen. Rommel Francisco Marbil iti amin nga unit ti pulisya a sumurot iti umiso nga operasyon ken etikal a pagannurutan kalpasan ti warrantless raid iti Taguig City idi Pebrero 9 ita a tawen.
Inpetteng ni Marbil a ti panaglabsing iti pagalagadan ken karbengan iti umili ket mapatawan t maiyannatop a pannusa kas ti pannakaikkat iti serbisyo, demotion, suspensyon, ken kaso kriminal.
Inpaganetget ni Marbil ti kinapateg ti transparency ken panagtalek ti publiko.
Rakurak daytoy ni Marbil kalpasan ti viral a video no sadinno a nagpakita dagiti pulis a naka-civilian a simrek iti maysa a balay ti maysa a babai nga awan awan ti search warrant da.
Ti babai ket naabswelto iti kaso a droga idi 2022.
Naakusaran pay dagiti pulis a nangdangran iti agtawen ti 14 nga anak ti babai ken innala da ti cellphone na.
Dagus nga inikkat ti National Capital Region Police Office (NCRPO) dagiti karaman a pulis ken ti supervisor da, ken nakumpiskar dagiti paltog da kagiddan ti pannakaim-imbestigar da.
Kinumpirmarna ni National Capital Region Police Office chief Brig. Gen. Anthony Aberin a naipila dan dagiti kaso a robbery, grave coercion, physical injury, obstruction of justice, malicious mischief, ken panaglabsing iti Republic Act 7610 kontra kadagiti 10 a pulis.
