LAOAG CITY – Napalaos ti panagyaman ni Philippine National Police (PNP) Chief PGen. Rommel Francisco Marbil iti talek ken kumpiansa kenkuana ni Presidente Ferdinand Marcos Jr.
Daytoy ket kalpasan nga inyalu-od ni Presidente Marcos ti uppat a bulan ti termino ni Philippine National Police Chief Marbil.
Inbatad ni Marbil, usarenna ti uppat a bulan tapno mapasayaat pay ti panagsagsagana ti nailian a pulisia para iti mapaspasangasangan a 2025 National and Local Elections.
Kunana nga iti agdama ket naiget ti panagsagsagana ti Philippine National Police para iti eleksion.
Innayonna a daytoy ket kas paset ti inrubuat ti Camp Crame a 100 days operational activities para iti eleksion ken ti panangiwayat ti solidarity pact para iti naannayas nga eleksion.
