LAOAG CITY – Naiget nga inbilin ni Philippine National Police Chief Police General Jose Melencio C. Nartatez, Jr. ti nalawa nga intelligence-monitoring ken imbestigasion tapno maduktalan dagiti pulis nga agbalbalin a protektor ti iligal a sugal ken aniaman a klase ti iligal nga aktibidad.
Ti nasao a pammilin ket kagiddan ti pannakaarestar ti maysa a Police Major a karaman kas protektor ti iligal nga aktibidad iti Negros Island.
Inikkaten iti puesto ti pulis ken naipadalan daytoy iti restrictive custody kas paset ti pinaigetan nga imbestigasion ken maipagarup a sugal.
Inpetteng ti Philippine National Police Chief a dagiti nasao a klase ti pulis ket maysa a maibilang a mangdadael iti nagan ti nailian a pulisia.
