LAOAG CITY – Nagkiddaw ti ‘basic human decency’ ni Secretary of National Defense Gilberto C. Teodoro, Jr. iti China kalpasan a nakaawat daytoy ti surat ti maipagarup a takder ti China iti naangay a Seoul Defense Dialogue (SDD) 2026 iti Seoul, Republika ti Korea.
Ti nasao a surat ket naited iti Sekretario bayat a sumungsungbat daytoy iti plenaryo ti SDD, kalpasan ti panagbitlana iti tema a “Collaborative Architecture for International Stability.”
Linaon daytoy ket ti arbitration no sadinno a nakalanad ditoy a null and void ken naawagan nga illegal ti nasao nga award.
Kuna ni Teodoro a daytoy ket maysa a panang-bastos iti maysa nga internasional a pagalagadan.
Innayonna pay a daytoy ket mangipasimudaag ti kinaawan babain ti China a kunana nga uray laeng koma ‘basic human decency’ ti maipakita da a nasayaat iti pakabuklan ti forum.
Kabayatanna, iti panagbitlana, impaganetget ni Secretary of National Defense Gilberto C. Teodoro, Jr. ti pannakasapul iti rules-based collaborative security architecture nga addaan iti human security kas pundasionna.
Daytoy ket kalpasan ti panagbitlana bayat ti umuna a plenary session ti Seoul Defense Dialogue (SDD) 2026 idiay Seoul, Republic of Korea.
Impetteng ni Secretary Teodoro ti kinapateg ti patas ken epektibo a pannakaipatungpal dagiti internasional a pagalagadan, panagraem iti internasional a linteg, ken panangitandudo iti United Nations Convention on the Law of the Sea (UNCLOS).
Pinasingkedanna met ti panagkumit ti Pilipinas a mangsalaknib iti territorial integrity ken sovereignty-na, mangpapigsa iti modernisasion ti depensa ken resilient capabilities, ken mangbangon kadagiti coallisions kadagiti kapada a kapanunotan.
