LAOAG CITY – Inbilin ni Philippine National Police Chief Gen. Jose Melencio Nartatez Jr. iti Directorate for Investigation and Detective Management ti panangadal kadagiti amin a kaso kontra kadagiti pulis a karaman iti pammapatay sipud idi 2022.
Daytoy ket kas sungbat iti inbutaktak ni Atty. Nicholas Kaufman, abogado ni dati a Presidente Rodrigo Duterte iti International Criminal Court, a nagtultuloy dagiti pammapatay gapu iti iligal a droga iti administrasion ni Presidente Ferdinand Marcos Jr.
Binilin ni Nartatez ken ni Brig. Gen. Matthew Baccay nga idaulwan ti pannakaadal dagiti kaso.
Kuna ni Nartatez a babaen ti maisayangkat nga imbestigasyon ket maamoan no adda dagiti saan pay a napilaan iti reklamo wenno adda dagiti kaso a saan pay a nasolbar.
