LAOAG CITY – Al-alisto ken natalged a firearm licensing ti Philippine National Police (PNP).
Daytoy ket kalpasan ti maysa a cyberattack idi 2024 a nangipakita iti pagkapsutan ti dati a sistema.
Inbatad ni Philippine National Police Chief General Rommel Francisco Marbil, inrubuat ti Firearms and Explosives Office (FEO) ti upgraded system nga addaan ti anti-malware protection, web reputation monitoring, activity tracking, device control, web application firewall, intrusion prevention ken two-factor authentication babaen ti Google Authenticator ken email verification.
Malaksid iti daytoy, nangnayon ti Philippine National Police – Firearms and Explosives Office ti SIM card-based client credentials, regional kiosks, mobile app, ad-adu nga e-payment options, expanded notification system ken maysa a nga user-friendly interface.
Kuna ni Marbil a gapu kadagiti baro nga addang, al-alisto ti proseso ti panangala ken panag-renew ti lisensia a nataltalged kontra iti cyber threats.
