LAOAG CITY – Inpaganetget ti Philippine National Police a saan laeng a lang droga no diket amin a klase ti krimen ti tutukan dagiti pulis.
Daytoy ti inlawlawag ni Philippine National Police Chief PGen. Nicolas Torre III kagiddan ti pammilin ni Presidente Ferdinand Marcos, Jr. a pagtalinaeden ti naurnos ken kinakappia iti intero a pagilian.
Inbatad ni Torre, responsibilidad ti kapulisan nga agresponde iti aniaman a reklamo dagiti umili.
Kunana a no adda ti immasideg a biktima wenno addaan ti reklamo ket masapul laeng nga adda ti tignay nga aramidenda pakairamanan ti panangarestar no kasapulan.
Inpettengna a nasken a saan nga agtennag iti kinaranggas dagiti panangarestar gapu ta nasken a masurot ti due process ken irespetar ti karebbengan dagiti tattao.
Inpalagipna a no awan ti abugado ti maysa nga akusado, adda ti libre a legal a tulong manipud iti Public Attorney’s Office (PAO).
Ginutigot pay ni Torre ti publiko nga i-report dagiti abusado a pulis gapu ta nakasagana ti Internal Affairs Service, People’s Law Enforcement Board, NAPOLCOM, DILG, Ombudsman ken ti media tapno tumulong kadagiti biktima ti panangabuso.
