LAOAG CITY – Nagpakdaar ti Philippine National Police kadagiti agar-aramid ti video tutorial online gapu iti panagaramidda iti maipawil a paputok kas iti boga apaman nga umadanin ti isasarabo ti baro a tawen.
Segun kenni Philippine National Police, Public Information Office Chief ken spokesperson Brigadier General Jean Fajardo, paigetan ti nailyan a pulisya ti cyber patrolling tapno matunton dagiti content creators a mangisursuro iti panagaramid ti boga.
Inlawlawagna, nabayagen a maiparit daytoy ken karaman ti boga iti listaan dagiti maiparit a paputok a kumkumpiskarenda.
No matakuatan dagiti otoridad dagiti agar-aramid ken agiwarwaras kadagiti peke nga online video tutorial, sigurado a maipasangoda iti pannusa.
Malaksid iti daytoy, dinakamat pay ni Fajardo a dadaelen da dagiti maiparit a paputok a maumpiskar da.
