LAOAG CITY – Naka-alerto ti Philippine National Police (PNP) iti posible a tignay protesta iti maika-81 a panagkasangay ni dati a Presidente Rodrigo Duterte.
Inbatad ni Philippine National Police Chief Gen. Jose Melencio Nartatez Jr, inbilinna dagiti hepe ti kapulisan nga agsagana ken tingitingen ti situasion.
Kunana a mangiwarasda kadagiti kameng ti pulisia no kasapulan kadagiti lugar a pakaiwayatan ti panagtitipon.
Inlawlawagna a no kasapulan ti panangiwaras kadagiti resources ken assets ket aramidenda daytoy.
Innayonna a ti panangiwarasda kadagiti kapulisan ket tapno mapagtalinaed ti kinaulimek kabayatan ti tignay protesta.
