LAOAG CITY – Nakasaganan ti Philippine National Police (PNP) para iti pannaka-selebrar ti panagkasangay ni dati a Presidente Ferdinand Marcos idiay Batac City intono setyembre 11.
Daytoy ti pinasingkedan ni Police Chief Inspector Rodelio Santos, ti chief of police iti ciudad ti Batac.
Inbatad ni Santos a naipinal dan ti traffic management plan ken inlawlawag na dagiti maapektaran a kalsada apaman a mangrugi ti aktibidad.
Segun ken ni Santos, karaman kadagiti maiyuswat nga aktibidad ket ti thanks giving mass a mangrugi iti alas-7:30 ti bigat agingga iti alas-8:30 iti simbaan katolikan iti ciudad ti Batac.
Sumaruno a maiyuswat kalpasan ti misa ket ti wreath laying ceremony a maiyuswat iti Marcos monument.
