LAOAG CITY – Nakasagana aminen dagiti kameng ti Philippine National Police (PNP) para iti panangselebrar ti paskua iti intero nga Ilocos Norte babaen ti panangidaulo ni Provincial Director Police Col. Christoper Abrahano.
Daytoy ti inpasingked ni Police Major Jephre Taccad, ti pannakangiwat iti Ilocos Norte Police Provincial Office (INPPO).
Inbatad ni Taccad nga addan ti direktiba ni Provincial Director Abrahano kadagiti amin a kameng ti pulisya a paigetan da pay ti agbantay iti intero a probinsya ita a bisperas ti paskua.
Mainaig iti daytoy, inbalakad ni Taccad a no adda dagiti social gatherings ita nga holiday season ket suruten latta ti minimum health standards kangrunaan na ti panagusar ti face mask ken ipatungpal ti social distancing kangrunaan na no adda dagiti bisita nga aggapo iti sabali a lugar gapu ta saan pay a nalpas ti pandemya.
