LAOAG CITY – Ninayunan ti Philippine National Police (PNP) ti inrekomendar da a kaso kontra kadagiti adda iti likudan ti pannakatay ti dua nga atleta ti Ateneo De Manila University.
Segun iti Criminal Investigation and Detection Group (CIDG), innayun da ti kaso nga homicide kontra ken ni coach Tab Baldwin ken Reckless Imprudence Resulting to Multiple Homicide kontra met iti walo a sabsabali pay.
Ti nasao a kaso ket malaksid pay iti immunan nga inrekomendar da iti napalabas a lawas a panaglabsing iti anti-hazing law kontra ken ni Baldwin ken ti 10 a sabsabali pay.
Ipabus-oy metten ti Criminal Investigation and Detection Group iti Department of Justice (DOJ) ti evaluation kadagiti inrekomendar da a kaso.
