LAOAG CITY – Saan nga agpangadua ni Ilocos Norte Police Provincial Office (INPPO) a mangpabor iti lungalong ni Gov. Matthew Marcos Manotoc iti pannakaipatungpal ti liquor ban ditoy probinsya.
Daytoy ti inbatad ni Police Colonel Cesar Pasiwen, ti Provincial Director ti INPPO.
Segun kenni Pasiwen, pabor da iti lungalong ti gobernador nangruna ket isuda ti mangkitkita ti linak, urnos ken talna ditoy probinsya.
Kunana a babaen iti nasao a plano ket maliklikan dagiti anyaman a desgrasya nangruna ita a panawen a dagiti sumagmamano a mairaman iti aksidente ket pumusay gapo iti impluwensya ti nasanger.
Nupay kasta, kuna ni Pasiwen nga adda latta dagiti saan a pumabor nangruna dagiti aglaklako ti arak.
