LAOAG CITY – Suportado ti Philippine National Police ti gakat a manayonan iti qouta para kadagiti babbai a kalikagumna nga agbalin a pulis.
Inbatad ni Police Chief Gen. Jose Melencio Nartatez Jr. nga umannugot isuda a manayonan ti bilang dagiti babbai a pulis.
Inlawlawagna a pabor daytoy nga agbalin a 20 a porsiento ti qouta manipud iti dati a 10 a porsiento laeng.
Ti nasao a gakat ket kalpasan a nangipasa ti sumagmamano a gakat iti Kongreso nga agkidkiddaw ti nalawlawa a partisipasion dagiti babbai iti law enforcement.
Karaman ditoy ti 43,847 nga uniformed personnel, 8,098 dagiti non-uniformed staff ken 278 dagiti kadete.
Umad-adu metten dagiti babbai a pulis nga addaan ti nadagsen a papel iti Philippine National Police manipud iti field operations agingga kadagiti senior positions.
