LAOAG CITY – Inrakurak ti bise mayor ditoy ciudad ti Laoag nga adda iti naawat na a surat a mangkidkidaw ti pannakaiyestablisar ti Police Assistance Center iti boundary iti ciudad ken iti ili ti Vintar.
Daytoy ket gapu ta adda iti maipagarup a mapaspasamak a panaglulumba dagiti motorsiklo wenno drag race iti nasao a lugar.
Segun iti bise mayor, masapol nga adda dagiti maideploy a pulis iti nasao a lugar tapno masigurado nga awanen dagiti makaiyuswat pay ti drag racing.
Inpanamnama na ti pannakisarita na ken ni kenni Police Lt. Col Andrew Rabang, ti chief of police ditoy suidad seknan iti daytoy a banag ken tapno amwen na no ania ti agbalin met nga addang ti Philippine National Police.
Kabayatanna, binalakadan ti bise mayor dagiti nagannak a kitaen ken bagbagaan da a naimbag dagiti annak da wenno kameng ti pamilya da gapo ta delikado ti drag racing.
Maipalagip a naiget a maipawil ti illegal drag race gapu ta makaitunda daytoy iti pannakadisgrasya.
