LAOAG CITY – Naiget a naglikudan ni Police Supt. Jonathan Papai, chief Intelligence iti Ilocos Norte Police Provincial Office (INPPO) ti alegasyon a naidanun iti Bombo Radyo kontra kenkuana.
Daytoy ket mainaig ti maipagarop a panagbalin na a protector kadagiti maibilang nga “Atong King” ditoy ciudad ti Laoag.
Inpetteng na nga awan ti kinapudno na ti akusasyon kenkuana ken nakagasana a paimbestigar tapno malawlawagan ti nasao nga isyu.
