LAOAG CITY – Inrakurak ti Commission on Elections (Comelec) a kasapulan paylaeng a mangisumitir ti Statement of Contribution and Expenditures wenno SOCE dagiti kandidato a nangisumitir ti statement of withdrawal para iti 2025 midterm elections.
Inlawlawag ni Commission on Elections Chairman George Garcia nga uray insanud ti kandidato ti kandidatura na ket kasapulan paylaeng a maamoan ti komisyon ti Statement of Contribution and Expenditures na, kangrunaan na dagiti nagastos ken naawat a kontribusyon iti kampanya, kasta met no sinurot da metlaeng dagiti naituding a limitasyon.
Inpetteng ni Garcia a no saan a makaisumutir ti Statement of Contribution and Expenditures na sakbay wenno iti mismo a deadline intono Hunyo 30 ita a tawen ket possible a sumango iti election offense wenno diskwalipikasyon iti panagpaidasig ti maysa a kandidato ken mapukaw ti karbengan na nga agbotos.
Iti agdama, addan ti uppat a senatorial aspirants a nangisanud ti kandidatura na, pakairamanan ditoy da dati nga Ilocos Sur Governor Chavit Singson, Internet personality a ni Francis Leo Marcos, Agri Party List Representative Wilbert Lee ken ni Doc Willie Ong.
