LAOAG CITY – Inbilin ni Presidente Rodrigo Duterte kadagiti pulis a tiliwen ken ibalod dagiti saan nga agusar ti face mask iti baet ti mapaspasaran a Covid-19 pandemic.
Segun kenni Duterte, iti panawen ti pandemya ket maibilang a seryoso a krimen ti saan a panagisuot ti face mask gapo ta kunana nga dagitoy ti agiyak-akar ti virus wenno dagitoy ket carrier.
Binilin pay ti presidente ni Department of Interior and Local Government (DILG) Secretary Eduardo Año a masapol a bagaan na dagiti pulis ng agbalin nga istrikto ken tiliwen dagiti aglabsing.
Inpetteng na a no maibalod ti maseknan iti kuerpo ti pulisya, daytoy ket tapno maikkan ti leksyon dagitoy.
Inlawlawag na a saan na a kayat a matiliw dagiti tattao gapo laeng kadagiti babassit a banbanag kas iti panagisuot ti mask ngem masapol ti kooperasyon.
Kuna pay ti presidente a ti strict enforcement ket mangrugi kadagiti local officials iti intero a pagilyan kangrunaan na dagiti Mayor.
Mainaig iti daytoy, kuna ni Año a nakitaripnong kadagiti mayor, gobernador ken barangay officials ken immanamong dagitoy iti plano a pannakatiliw dagiti indibidwal a saan nga asiguot ti face mask ken saan a mangoberbar iti social distancing.
Ummuna ti daytoy, ti rakuak ti presidente a matiliw dagiti saan nga agusar ti face mask ket uppat nga aldaw kalpasan ti report ti New York Times a manipud iti Imperial College of London a 91% ti Pilipino ti kanayun nga agus-usar ti face mask no rumwar iti pagtaengan da, ken daytoy ti kangatoan a percentage iti intero a lubong.
Innayon met ti Department of Health a ti target ti Pilipinas ket 100% compliance manipud iti publiko.
