LAOAG CITY – Binallaagan ni Presidente Rodrigo Duterte dagiti amin a local chief executives a sumango dagitoy ti pannusa no mapaay da iti “most expeditious manner” a panangbakuna iti masakupan dagitoy.
Segun kenni Duterte, minandar na ni Interior Secretary Eduardo Año a mangipataw ti sanctions kadagiti local chief executives a maduktalan a saan a napintas ti performance na iti vaccination rollout.
Inpetteng ni Duterte a kalikagom na a magun-od ti maysa a milyon a maibakuna iti kada aldaw.
Inpalgak na pay a makurkurangan isuna iti performance dagiti LGU seknan iti panagbakuna nangruna ket adda metten ti makaanay a suplay iti doses ti bakuna kontra iti covid-19.
Malaksid iti daytoy, binilin pay ni Presidente Duterte ti pulisua ken militar a tumulong para iti delivery ti COVID-19 vaccines iti nagduduma a past ti pagilyan.
Kalikagom na pay a mausar dagiti air asset ti police ken militar tapno al-alisto ti pannakaibunong dagiti bakuna a mangitunda ti pannakiyalisto ti panagbakuna.
Iti agdama, umaboten iti 59.5 milyon a doses ti naibakuna kadagiti Pilipino.
Mainaig iti daytoy, kuna ni Philippine vaccine czar Secretary Carlito Galvez Jr. a mangrugi intono Nobyembre 20 ket target ti gobierno a maibakuna ti agingga iti 1.5 a milyon a doses iti maysa laeng nga aldaw.
Kuna pay ni Galvez a target ti gobierno a maibakuna ti 15 million doses ti COVID-19 vaccines agingga nga agtapos ti November.
Inbatad na a tapno magun-od daytoy ket masapol a ma-activate ti nayun a vaccination sites, utilizing malls, universities, schools, gyms, camps ken function halls iti nagduduma a government agencies.
Innayon ni Galvez a target da pay a amagunod ti 90 percent a fully vaccinated kadagiti mangisursuro, estudyante, ken school personnel idinto a kadagiti senior citizens iti agarop 70% ket nasken a fully vaccinated.
