LAOAG CITY – Plano ti Malacañang ti mangipaay ti P3,000-Christmas incentive kadagiti barangay officials, karaman ti Indigenous People’s Mandatory Representatives (IPMRs).
Daytoy ti inbatad ni Senador Francis Tolentino iti Kapihan sa Manila Bay News forum itay laeng immuna a gundaway.
Inbatad ni Tolentino a mismo a ni Senador Christopher ‘Bong’ Go ti nangisingasing ken ni Presidente Rodrigo Duterte a maikkan ti sag-3 ribo a pisos dagiti opisyal ti barangay kas insentibo da ita a paskua.
Babaen ti nasao nga addang ket ad-adda pay a naragsak dagiti nasao nga opisyal a saan a maum-uma nga agserserbi kadagiti komunidad.
