LAOAG CITY – Nakipagkaykaysa ni Presidente Ferdinand R. Marcos Jr. iti pananglagip ti Rizal Day ita nga aldaw, Disiembre 30, 2024.
Iti mensahe ti Presidente, kinunana a sibibiag ti sirmata ti kina-bannuar ni Rizal agingga ita
uray no nasurok a maysa a siglo ti napalabas.
Kunana a simbulo ni Rizal ti panagayat iti pagilian, ti dedikasion iti kinapudno, ken panagkikimmayet para iti pagimbagan dagiti amin a Pilipino
Inppetengna a rumbeng nga adda tured ti tunggal maysa nga agbalin a manangitandudo iti panagbalbaliw ken patibkeren ti pammati nga adda maitulong para iti Pilipinas.
Inawagan pay ti Presidente ti panagkaykaysa kas maysa a nasion a natibker tapno maragpat ti napinpintas a gagem ti Bagong Pilipinas.
