LAOAG CITY – Dinutukan ni Presidente Ferdinand Marcos Jr. dagiti baro a mangidaulo iti Armed Forces of the Philippines (AFP), the Philippine National Police (PNP) ken ti National Bureau of Investigation (NBI).
Daytoy ti kinumpirmaran ni Press Secretary Trixie Cruz-Angeles.
Ni Lieutenant General Bartolome Vicente O. Bacarro ti baro nga AFP chief of staff; ni Police Lieutenant General Rodolfo Azurin, Jr. ti PNP chief; ken ni Medardo de Lemos ti NBI director.
Ti change-of-command para iti AFP ket intono Agosto 8 tapno maikkan ti gundaway ni Bacarro para iti transition iti baro a posisyon na iti Camp Aguinaldo.
Ni Bacarro ti ummuna nga AFP chief a maipaayan ti fixed three-year term basar iti baro a linteg.
Pinirmnaan ni President Rodrigo Duterte idi April 13, 2022 ti Republic Act 11709 a mangikedkeddeng ti fixed three-year tour of duty iti AFP chief of staff, vice chief of staff, ti deputy chief of staff, major service commanders (Philippine Army, Philippine Air Force, Philippine Navy), unified command commanders, ken inspector general.
Naipayaan pay ni Bacarro ti Medal of Valor award idi December 21, 1991 para iti kinatured na kabayatan ti 10 nga oras nga engkwentro kontra iti communist rebels idiay Maconacon, Isabela.
Ni Bacarro, paset iti Philippine Military Academy “Maringal” Class of 1988, ket adda metten dagiti iniggaman na a posisyon iti 5th Infantry Division, pakairamanan ti platoon leader, company commander, administrative officer, intelligence officer, operations officer, civil-military operations office ken secretary to the general staff.
Idi November 2004, Bacarro nadesignaran kas Army spokesperson ken chief of public affairs office iti Fort Bonifacio.
Nagbalin pay isuna kas spokesperson iti AFP ken chief iti Public Affairs Office ii Camp Aguinaldo.
Mainaig iti daytoy, ni Azurin a manipud iti PMA “Makatao” Class of 1989, ket isu ti agdama a chief iti Northern Luzon Police area.
Nagbalin pay a director iti Directorate for Comptrollership (DC) kasta met iti Directorate for Information and Communication Technology Management (DICTM) iti Camp Crame.
Ni pay Azurin ket nagserbi a chief iti Maritime Group sakbay a nagbalin a regional director iti Police Regional Office 1.
Kabayatanna, ni De Lemos ket agserserbin iti NBI iti nasurok 30 a tawen ken isu ti most senior officer ti bureau.
