LAOAG CITY – Nakigtot ni Presidente Ferdinand Marcos Jr. ti damag maipanggep iti P50 iti kada kilo ti bagas nga imbes a P29 ti mailaklako iti Kadiwa Centers.
Inbatadna a saanna nga ammo a mailaklako ti bagas iti Kadiwa Centers iti nasao a gatad gapu ta idi nagpagatangda ket P29 iti kada kilo ti nagatangda.
Inlawlawagna a posible a ti balor a P50 a mailaklako ket saan a manipod iti gobierno no di ket iti sabali a source.
Inpetteng ni Marcos a P29 iti kada kilo ti bagas ti mailaklako kadagiti Kadiwa Store.
Iti baet daytoy, inpasingked ni Presidente Marcos nga ammoenna ti naipadamag kenkuana maipapan iti P50 iti kada kilo ti bagas ti mailaklako kadagiti Kadiwa Stores.
