LAOAG CITY – Inrakurak dagiti drug examiner ti St. Luke’s Medical Center-Global City a negatibo ni Presidente Ferdinand Marcos Jr. sa isinagawang cocaine test noong Nobyembre 2021.
Iti panagdengngeg ti Senate Committee on Public Order and Dangerous Drugs nga idadauloan ni Sen. Ronald “Bato” Dela Rosa, kuna ti drug analyst a ni Geresza Reyes a nagpirma iti drug test report idi 2021 a negatibo iti cocaine ni Marcos.
Kinumpirmaran met ni Drug Testing Laboratory Head Dr. Cecilia Lim a signatory met iti drug test report a kabaelan a mairuar ti resulta iti uneg laeng ti dua a minuto ken 54 a segundo kalpasan ti pannakaisayangkat ti pannakasukisokna.
Dimmalan ni Marcos iti drug test idi nagpaidasig iti kina-presidente ken insubmitir ti negative result kadagiti law enforcement agency.
Maipalagip a nangiparuk-at ti blind item idi ni dati a Presidente Rodrigo Duterte a maysa a president candidate ti agus-usar ti cocaine ken ti nasao a kandidato iti kina-presidente.
Kuna ni Lim a kiniddaw laeng ni Marcos nga agpa-test para iti cocaine ken saan kadagiti dadduma a klase a maipawil nga agas.
