LAOAG CITY – Ngimmato ti retail price ti kamatis idiay Manila a dumanonn agingga P130 agingga iti P200 para iti tunggal maysa kilo.
Maibasar iti panagmonitor nga insayangkat ti Department of Agriculture iti Metro Manila, ngimmato ti retail price ti kamatis iti agarup P20.00 iti kada kilo.
Daytoy ket manipud iti P110 agingga iti P180 iti kada kilo, depende iti kalidad wenno klase.
Idi napan a lawas, ti presio ti Agri Commodity ket nakadanon laeng iti P70 agingga iti P140 iti kada kilo.
Inpalagapi ni Agriculture Assistant Secretary and spokesman Arnel de Mesa, a tutukan ti Department of agriculture ti nadakamat a situasion.
Seggun kenkuana, ngimmato ti retail price ti kamatis gapu iti epekto ti Bagyon Aghon.
Namnamen ni De Mesa, nga umadu ti suplay ti kamatis, agraman ti iseserrek iti adu nga stock bayat ti panagani.
