LAOAG CITY – Ngimmato ti presio ti manok ken itlog kadagiti merkado publiko basar iti monitoring ti Department of Agriculture (DA).
Daytoy ket iti baet nga inpababan ti poultry raiser ti farm gate price ti nasao a poultry products.
Iti baet daytoy, inpasingked ni Agriculture spokesperson ASec. Arnel de Mesa nga ipangpangrunada daytoy nangruna ket dagiti nasao a produkto ket paset ti commodities a masansan a gatangen dagiti gumatgatang.
Basar iti datos manipud iti Department of Agriculture, dumanon laengen iti P80 iti kada kilo ti farm gate price dagiti manok ngem apaman a makadanon iti tiendaan ket dumanon iti P220 iti kada kilo.
Kabayatanna, iti itlog ket bimmaba iti 50 a sentimo ngem nagtalinaed latta iti P8 agingga iti P9 ti panaglako daytoy kadagiti tiendaan.
