LAOAG CITY – Nagballaag ti Prime Minister ti Greenland a ni Jens-Frederik Nielsen iti baet nga inrakurak ni United States President Donald Trump nga inwalinnan ti puersa militar ngem agtultuloy ti gagem ti Washington a kontrolen ti isla ti Arctic.
Ad-adda pay a pinaigetan ni Trump ti panawagan para iti panangkontrol ti Estados Unidos iti Greenland sipod pay nangrugi ti tawen a dakdakamatenna maipapan iti nailian a seguridad nga adda ti pakainaiganna iti Russia ken China.
Inkalintegan dagiti sumagmamano a kaalyado ti European North Atlantic Treaty Organization ti soberania ti Denmark iti Greenland ken kunana a ti pressure ni Trump ket mangpangpangta a maapektaran ti alyansa ti North Atlantic Treaty Organization.
Kabayatanna, simmanud ni Trump manipud kadagiti pangta ti puersa ken inpettengna a naalana ti sibubukel nga access ti Estados Unidos iti Greenland iti maysa a katulagan iti North Atlantic Treaty Organization iti baet a dagiti detalye ket agtaltalinaed a saan a nalawag.
