LAOAG CITY – Opisyalen nga innaganan ti kamara de representantes dagiti miyembro ti prosecution panel nga agserbi kas  prosecutors ti Articles of Impeachment kontra ken ni Vice President Sara Duterte para iti pannakausig na iti Senate impeachment court.
Karaman kadagiti a nadutukan kas House prosecutors ket isuda Representatives Gerville Luistro, Keith Flores, Bel Zamora, Lorenz Defensor, Joel Chua, Leila de Lima, Chel Diokno, Terry Ridon, Rodge Gutierrez, Kaka Bag-ao, ken Lordan Suan.
Basar iti liderato ti Kamara de representantes, ti grupo ket nabilin nga ipasango ken ikalintegan dagiti Articles of Impeachment iti Senado apaman nga ag-convene kas impeachment court.
Namnamaen ti naiget a pannakatratar dagiti alegasyon kontra iti bise president kabayatan nga agpanpanawagan dagiti agpanpanday linteg ti patas ken transparent a proseso iti panagdengngeg.
Ti nasao nga addang ket maibilang a napateg a paset ti pakasaritaan ti kongreso, a mangipakita manen ti bileg ti lehislatura iti panangpasungbat kadagiti opisyal ti gobierno.
