LAOAG CITY – Mamati ni Manila 6th District Representative Benny Abante nga addan ti naestablisar a ‘probable cause’ iti impeachment complaint kontra ken ni Vice President Sara Duterte, kalpasan ti dua nga hearing nga insayangkat ti House Justice Committee.
Daytoy ket uray adda pay ti dua a nabatbati a panagdengngeg a naikeddeng intono Abril 22 ken Abril 29.
Segun ken ni Abante, addan ti probable cause tapno ituloy ti complaint iti plenaryo ti Kamara de representantes ken maiyuli iti Senado.
Inyarig ni Abante ti testimonya ni Ramil Madriaga iti napalabas nga hearing no sadinno nga inyistorya na ti maipagarop a personal a panagdeliver na iti P125 million a confidential ken intelligence fund ni VP Sara iti uneg laeng ti 24 nga oras.
Iti nasao nga isyu, naaramid ni Madriaga nga inkoneklar ti sumagmamano a nagan a maipagarop a pinatuludan na ti dakkel a kantidad.
Karaman ditoy da Philippine Army Colonel Raymund Dante Lachica, Atty. Ryan Quilala, ken dadduma pay a nasinged iti Bise Presidente.
