LAOAG CITY – Mapatta-patta a bumagsak ti produksyon ti bagas iti 700 a ribo a metriko tonelada ditoy pagilian ita a tawen gapu iti mapaspasangasangan a napigsa nga El Niño.
Daytoy ti inbatad ni Department of Agriculture Secretary Francisco Tiu Laurel Jr.
Kuna ni Laurel Jr. a ti nasao a bilang ket bukbuklen ti 3.5 ti tinawen a target a produksyon, no sadinno nga inpetteng na a daytoy ket mangipasimudaag dagiti seryoso a risgo para iti seguridad ti taraon ken rural incomes.
Immunan nga inbilin ti sekretaryo ti panagtitipon ti El Niño task force tapno isagana ti pagilian para iti maysa a potensyal a nakaro nga episode iti maudi a paset ti agdama a tawen.
