LAOAG CITY – Kiniddaw ti House prosecution panel iti Senate impeachment court a maibilang ni Davao City Mayor Sebastian “Baste” Duterte kas maysa a hostile witness iti impeachment trial ti kabsatna a ni Vice President Sara Duterte.
Segun ken ni House presecution legal spokesperson ken counsel Benjamin Tolosa Jr., a masapul a mapaneknekan pay laeng a maikontra iti interes ti prosekusion ti interes ni Baste sakbay a maideklarar kas hostile witness.
No mapatgan ti kiddaw, adadda a lumawa ti wagas ti panagsaludsod dagiti prosecutor ken ni Mayor Baste, pakairamanan ti leading questions, ngem adda pay laeng iti Impeachment Court ti pinal a desision.
Iti agdama, manarimaan ti pannakatalantan ti impeachment court ti Article II ti Articles of Impeachment a pakairamanan ti maipagarup nga unexplained wealth ti Bise Presidente.
