LAOAG CITY – Inlawlawag ni Senate Minority Leader Koko Pimentel a prioridad latta ti Senado ti impeachment ni Vice President Sara Duterte.
Daytoy ket iti baet a saan a nadakamat iti plenario iti maudi nga aldaw ti sesyon maipanggep iti naawat nga articles of impeachment kontra ken ni Duterte a manipud iti Kamara.
Nagpalagip ni Pimentel, ti Senado ti tumakder kas Korte isu a saan a nasken nga iyal-alisto ti pannakaiproseso iti daytoy.
Inbatadna a gapu ta impeachment court ti Senado ket rumbeng a normal ken relax laeng ti aramidenda a tignay iti naan-anay a pannakapadisi ken ni Vice President Sara.
Innayon pay ti Senador a saan nga insigida a naidasar iti plenario ti impeachment gapu ta i-report pay daytoy ti Senate Secretary iti opisina ti Senate President ngem judgment call ti lider ti Senado no iraman daytoy iti sesyon uray kaaw-awat pay laeng ken awan pay iti agenda.
