LAOAG CITY – Adu ti agwarwaras a “fake news” ken disinformation ti agtultuloy a proseso ti impeachment kontra ken ni Vice President Sara Duterte.
Daytoy ket iti baet ti panangadmitir dagiti Pilipino a kurang pay dagiti ammoda mainaig kadagiti ebidensia ken alegasion a sangsangoen ti bise presidente.
Inbatad ni Cleve V. Arguelles, political scientist ken presidente ti WR Numero, nasken a madanagan ditoy ti agpada nga House prosecution team ken ti Senate impeachment court kabayatan nga agsagsagana ti pagilian iti maysa kadagiti kabaraan a panangusig iti pakasaritaan ti pulitika iti pagilian.
Maipalagip a nagbutos ti Kamara de Representantes iti resulta a 257-25-9 tapno ma-impeach ni Duterte ken ipasa ti Articles of Impeachment iti Senado.
Nag-convene ti Senado kas maysa nga impeachment court tapno tingitingen dagiti kaso mainag iti maipagarup a saan nga umno a panagusar ti pundo ti gobierno, saan a mailawlawag a baknang ken dagiti pangta ken ni Presidente Ferdinand Marcos Jr. ken dadduma pay nga opisial banag a naiget met a naglikudan ni Duterte.
Inlawlawag ni Arguelles a sabalin ti sangsangoen a media ken information environment ita maidasig kadagiti naglabas nga impeachment trials iti pagilian no sadinno a tradisional a media laeng ti namnamaen ti publiko.
