LAOAG CITY – Inlawlawag ni Mr. Ryan Remigio, ti mangidadaulo ti Border Control ditoy probinsya a dakkel ti nagdumaan ti protocols a sursuruten da kadagiti residente ken saan a residente ditoy Ilocos Norte.
Segun kenni Remigio, ti panaglukay dagiti protocols ket benepisyo kadagiti fully vaccinated a residente ti probinsya ken no sumrek da manipud iti Alert 1-3 ket ipakita da laeng vaccination card da ken ti proof of residency wenno ID.
Inbatad na basar iti kapadasan da iti border, adda ti sumangpet a residente ken fully vaccinated ngem adda met ti kadua da a saan a residente isut gapo na a tawagan da dagiti kapitan.
Dagiti met saan a residente ti Ilocos Norte, iti laksid nga inawat ti barangay ket masapol latta a mangipakita ti negatibo a resulta ti covid test.
Mainaig iti daytoy, maysa kadagiti rason no apay a maibayag ti panagserrek ditoy probinsya ket saan unay a mabasa ti impormasyon nga adda iti vaccine card rason a tumawag da iti maseknan nga health office.
