LAOAG CITY – Nagyaman ni P/Col. Frederick Obar, Provincial Director ti Ilocos Norte Police Provincial Office (INPPO) kadagiti umili iti kanayun a panangipaayda ti koordinasyon da iti nailyan a pulisya ditoy probinsya.
Segun ken P/Col. Obar, saan a magun-od dagiti kameng ti pulisya ti amin nga accomplishment da, nangruna ti pannakaarestar dagiti maibilang a most wanted person ditoy probinsya no awan ti tulong ti kumunidad.
Gapu iti daytoy, inpeksa ti Provincial Director ti panagyaman na iti gobierno probinsyal iti agtultuloy a panangipaayda ti suporta iti Ilocos Norte Police Provincial Office.
Kabayatanna, mangnamnama ti opisyal nga agtultuloy ti panagkikimmayet tapno matiliw dagiti agsalsalungasing iti linteg, nangruna dagiti most wanted person ditoy probinsya.
