LAOAG CITY – Nagballaag ni Dr. Rickson Balalio, ti mangidadaulo iti Provincial Health Office ditoy probinsya kontra iti panagusar ti boga ken dadduma pay a klase ti paputok ita a panawen ti paskua.
Inlawlawag ni Balalio a malaksid iti pannakaputed ti ramay no mapaputukan ket mabalin a matetanus, agpasar ti asthma ken dadduma pay a lung diseases.
Kuna na a no saan a maliklikan ti panagpaputok ken masugatan ket masapol a mapan da agpakita a dagus iti ospital wenno iti Rural Health Unit.
Inpaganetget ni Balalio nga uray bassit laeng a sugat ket mabalin a mangitunda ti pannaka-tetanus ti maseknan no mabaybay-an.
